«Шәкәрім әлемі»: ғылым мен мәдениетті тоғыстырған ашық есік күні
Шәкәрім университетінде Ғылым онкүндігі аясында «Шәкәрім әлемі» ашық есік күні, «Шәкәрім» Қазақ-Қытай мәдени зерттеулер орталығының постерлік көрмесі ұйымдастырылып, көпшілік назарына ұсынылды.
Іс-шараның мақсаты – ғылым мен мәдениетті ұштастыра отырып, жастардың зерттеушілік қызығушылығын арттыру және халықаралық мәдени байланыстарды нығайту. Ашық есік күніне қатысушы білім алушылар мен оқытушылар тың ақпараттар алып, тарихи-танымдық кітаптармен танысуға мүмкіндік алды.
«Шәкәрім әлемі» көрмесі – тек ғылыми жетістіктерді таныстыру алаңы ғана емес, сонымен қатар мәдениеттер арасындағы өзара түсіністік пен ынтымақтастықты арттыруға бағытталған маңызды қадам. Мұндай бастамалар болашақта да жалғасын тауып, ғылым мен мәдениеттің дамуына серпін беретіні сөзсіз.
