Студенттік ұйымдар

Театр – мәдениет ошағы. Сан түрлі өнердің ішінде театр мәдениетінің, театр өнерінің алатын орны ерекше. Тарихы тереңде келе жатқан «Қаракөз» студент-жастар театрының ең бірінші мақсаты: сахнаға, өнерге қызығатын студенттерден бір мәдени орта құрау. Сол орта арқылы оларды тәрбиелеу. Студенттер бойына сахнаның не екенін, сахна тілі, сахна мәдениеті, әртістік қабілет сынды ұғымдарды қалыптастырамыз. Студенттік өмір болғандықтан, жақсы орта мен жақсы достар табу өте маңызды. Сол мақсатта да, өнерге қызығушылығы бар студенттермен болашақта тығыз жұмыс жасаймыз.

Ұйым 2005 жылы құрылған.

Ұраны: Альянс-бұл біздер, белсенді студенттер. Қазақстан, Қазақстан, Қазақстан-бұл біздер!

Қазақстан студенттерінің Альянсы студенттердің әлеуметтік және мәдени дамуы саласында жұмыс істейтің және студенттердің мүдделерін қорғаумен айналысатын үлкен ұйым. Қазақстан Республикасы студент жастарының зияткерлік, шығармашылық, рухани, инновациялық әлеуетін тиімді іске асыру үшін жағдайлар жасау үшін жұмыс атқарады. "Қазақстан студенттер Альянсы" Республикалық студенттік қозғалысының басты мақсаты студент жастардың құқықтық, әлеуметтік-экономикалық және тұрмыстық мәселелерін шынымен шешетін және тәуелсіз Қазақстанның қалыптасуына белсенді қатысатын ұйым ретінде қоғамдық бірегейлігін құру. Біздің ұйымда салауатты өмір салтын қолдайтын және саяси, әлеуметтік, қоғамдық іс-шараларға белсенді қатысатын көптеген жас, шығармашылық, креативті, ерекше тұлғалар бар.

Студенттердің бос уақытын тиімді пайдаланып,пайдалы іске шақыру және бір адамның болсын өмірін өзгертуге үлесімізді қосу.Әлемді ,қоршаған ортаны сәлде болса жақсарту.

Біз «Шәкәрім Шуағы» ерікті жастар ұйымы
-мүмкіндігінше балалар үйіне барып балалар үйінің тәрбиеленушілері үшін түрлі жобалар мен іс-шараларөткіземіз;
-мұқтаж отбасыларға көмек көрсетеміз;
-қаланың түрлі әлеуметтік және қайырымдылық шараларына қатысамыз;
-ұйымымыздың қайырымдылық қоймасы бар,онда сіз өзкерегіңізге жарамайтын бірақ мұқтаж отбасыларына керек заттарыңызбен бөлісе аласыз,оны біз мұқтаж отбасыларға табыстаймыз.
Сіз жақсылық жасағанды ұнатасыз ба Сіз белсендісізбе? Сіз мақсат қоя аласыз ба? Қоғамға өз үлесіңізді қосқыңыз келеме?
Көшбасшылық қабілетіңізді дамытқыңыз келедіме?
Онда біз сізді күтеміз!

Басқа өңірлерден келген білім алушыларды жаңа ортаға үйрету, бейімдеу, ойын ашық жеткізу мен дұрыс бағыт-бағдар беру

Жастар рухы - "Amanat" партиясы жанындағы "Jastar ruhy" Жастар қанаты қоғамдық бірлестігі. 2008 жылғы 14 мамырда Астана қаласында «Жас Отан» ЖҚ Ы Съезінде қоғамдық бірлестік тұлғасында құрылған.

Ұраны: "Жастар Отанға, Жастар рухы алға"

Жастар рухы ұйымының мақсаты Қазақстан республикасының жастарын жаңашылдыққа, білімділікке, біліктілікке баулу болып табылады.

Ұйымның міндеті:

Жастардың бойында қазақстандық патриотизм сезімін және жауапты азаматтық ұстанымын, Республиканың мемлекеттік рәміздеріне, Қазақстан халқының мәдени мұрасына, тіліне және дәстүрлеріне құрметпен қарауды қалыптастыру;

Жастарды демократиялық, әлеуметтік әділ қоғам құру процестеріне тарту;Қазақстан Республикасының мемлекеттік жастар саясатын іске асыруға жәрдемдесу;

Жастардың саяси экономикалық, әлеуметтік және өзге де құқықтарын қорғау жөніндегі қызметтерге қатысу;

Жастар мәдениетін қалыптастыруға, жастардың білім, зияткерлік және кәсіби деңгейін арттыруға жәрдемдесу болып табылады.

Ұйым 2000 жылы 30 қыркүйекте құрылған. Шығыс аймақтағы ең алғашқы жастар ұйымдарының бірі.

Мақсаттары мен міндеттері: Жастардың зияткерлік және шығармашылық әлеуеттерін анықтауға бағытталған студенттердің бастамаларына қолдау көрсету;

Пікір-сайыс қозғалысының дамуы; Жастарда белсенді азаматтық позицияны қалыптастыру;

Жастардың жүрегінде патриотизм сезімін ояту мен оны әрі дамыту;

Белсенді жастарды қоғамдық қызметке теориялық және тәжірибелік тұрғыдан дайындау;

Жастардың мәдени дамуы; Рухани құндылықтарды нығайту;

Елбасымыздың Қазақстан халқына Жолдауын жастар арасында насихаттау; Пікір-сайысшылардың ораторлық қасиетін қалыптастыру.

ENACTUS-студенттерді, бизнес көшбасшыларын және университеттерді біріктіретін халықаралық ұйым,ол адамдардың өмірін өзгерту және әлемді жақсырақ және тұрақты ету үшін кәсіпкерлік әрекеттердің күшін пайдалануды мақсат етеді. Enactus бағдарламасы студенттерге бизнестің нақты мәселелерін шешуде қолдана алатын білім, Дағдылар мен тәжірибе бере отырып, бизнес көшбасшылары мен жоғары оқу орындарының серіктестігін дамытудың үздіксіз процесін білдіреді. экономика. Бұл бағдарлама университеттік білімге қосымша болып табылады, өйткені ол теориялық білімді практикада қолдануға және практикалық тәжірибе алуға мүмкіндік береді. Нәтижесінде студенттер өздерінің білімі мен мақсаттарына үлкен құлшыныспен және жауапкершілікпен қарайды.

Шәкәрім Университетінің студенттері арасында сыбайлас жемқорлыққа қарсы ортаны қалыптастыру

Негізгі функциялары: ұйымда сыбайлас жемқорлыққа қарсы мәдениетті ұйымдастыру, Шәкәрім атындағы университеттің Әдеп ережелерін сақтамау туралы ақпарат жинау, ішкі тәртіп ережелері бойынша қызметкерлерге, лауазымды тұлғаларға кеңес беру, бастамашылық және қатысу. ішкі Ереженің ережелерін бұзу туралы дауларды қарау.

«Sulumodel» модельдік клубының мақсаты- студенттердің модельдік дағдыларын дамыту және университет ішіндегі іс-шараларда (награждение, қарсы алу, концерттер) кәсіби деңгейде қатысуға мүмкіндік беру. Клуб мүшелері подиумда өзін ұстау, стильді сақтау және шығармашылық қабілеттерін көрсету арқылы тәжірибе жинайды.

Клуб студенттердің өзіне сенімін арттыруға және сахна мәдениетін меңгеруге көмектеседі. Сондай-ақ, клуб ішкі іс-шараларды үйлестіру және ұйымдастыру дағдыларын дамытуды қолдайды. Клуб мүшелеріне сән мен модельдеу саласында қосымша білім мен тәжірибе алу мүмкіндігі беріледі.

«Шаңырақ» студенттік Ассамблеясы – Қазақстан халқы Ассамблеясының «Ассамблея жастары» республикалық қоғамдық бірлестігі аясында 2024 жылы құрылған студенттік ұйым.

Негізгі мақсаты – студенттерді қоғамдық келісім, этносаралық гармония, мәдени әртүрлілік және мемлекеттік сәйкестілік құндылықтары төңірегінде біріктіру.

Ассамблея студенттерді қоғамдық және азаматтық белсенділікке тарту, патриоттық тәрбие беру, мемлекеттік тілді насихаттау, тарихи-мәдени мұраны сақтау, экологиялық жобаларды жүзеге асыру, медиа сауаттылықты дамыту және әскери-патриоттық тәрбиені жетілдіру бағытында іс-шаралар өткізеді.

Ұйым түрлі этнос студенттері арасындағы өзара түсіністікті нығайтуға, патриоттық сезімдерді қалыптастыруға және студенттердің шығармашылық әрі интеллектуалды әлеуетін жүзеге асыруға жағдай жасайды. Сонымен қатар, белсенді студенттерді анықтау және олардың идеяларын жүзеге асыруға методикалық және жобалық қолдау көрсету де басты міндеттердің бірі болып табылады.

«IQ UP» студенттік Quiz клубының негізгі мақсаты – студенттердің интеллектуалдық әлеуетін арттыру, логикалық ойлау қабілеттерін дамыту және білімге деген қызығушылығын күшейту. Клуб түрлі форматтағы зияткерлік ойындар, квиздер мен танымдық шаралар арқылы студенттердің дүниетанымын кеңейтіп, командамен жұмыс істеу дағдыларын жетілдіруді көздейді.

Сонымен бірге, клуб белсенді студенттер қауымдастығын қалыптастырып, олардың бос уақытын тиімді ұйымдастыруға, шығармашылық және аналитикалық қабілеттерін шыңдауға мүмкіндік береді

Клубтың мақсаты:

Клуб мүшелерінің классикалық әлем және қазақ әдебиеті, жаңа замандағы түрлі саладағы әдебиеттердің озық үлгілері, «100 кітап» жобасына енген әдебиеттер арқылы университет студенттері мен қызметкерлер арасында кітап оқу мәдениетін қалыптастыру, нәтижесінде университет миссиясына сай «КЕМЕЛ ТҰЛҒА» және қоғамға ықпал етуші тұлға болуға бағыттау, клуб мүшелерінің мәдени-интеллектуалдық деңгейін жан-жақты дамытуға бағытталған ғылыми-әдеби, мәдени шараларды ұйымдастыру.

Қыздар клубының мақсаты қыз балаларға адамгершілік, адалдық, жүріс-тұрыс дағдысы, қыз намысы, сымбаты, гендерлік саясат туралы жан-жақты мағлұмат беру арқылы қыз балалардың бойына рухани-адамгершілік, әдептілік, сыпайылық, тиянақтылық, имандылық, тазалық қасиеттерді дамыту, қазіргі қоғамдық ортада азаматтық ұстанымдары бар, жеке өмірде отбасылық міндеттерді алған білімімен ұштастыра білетін ұлтжанды, парасатты, ұлттық салт-дәстүр мен мәдениетті дәріптейтін шынайы қазақ аруын қалыптастыру және университет білім алушыларының сырласатын, ой бөлісетін, қажетті кеңестер ала алатын текті қыздар ортасын құру, қыздарды тектілікке тәрбиелеу.

Білім алушылар мен қызметкерлердің экологиялық санасын арттыру, олардың табиғатқа деген жауапкершілігін қалыптастыру, экологиялық мәдениетті дамыту және қоршаған ортаны қорғау арқылы тұрақты, қауіпсіз және жасыл экологиялық ортаны қалыптастыру. Сонымен қатар, экологиялық тұрақтылықты сақтау арқылы оқу орнымызда жауапты өмір салтын насихаттау және қоғамда қоршаған ортаны құрметтеу дәстүрін қалыптастыру.

Білім алушылардың әлеуметтік және стратегиялық әлеуетін арттыруды қамтамасыз ету, студент жастар мен аға буын арасындағы іскерлік байланысты нығайту

-  Аға буынның тәжірибесін жастарға жеткізетін жүйелі алаң құру;

-  Білім алушылардың soft skills пен цифрлық құзыреттіліктерін арттыру;

-  Белсенді жастардың тың бастамаларын қолдау және оның іске асыру;

-  Салауатты өмір салтын насихаттауда университеттің басқару органдарына көмектесу;

-  Университеттің құрылымдық бөлімшелеріне оның ішінде әлеуметтік, қоғамдық және білім беру үдерісі аясында өткізетін іс-шараларына көмек көрсету;

-  Студенттердің санасын және олардың білім деңгейіне деген талаптарын арттыруға бағытталған жұмыстарды жүргізу, мүліктік кешенге ұқыпты қарауға тәрбиелеу, университеттің рухы мен дәстүрлеріне патриоттық көзқарасын дамыту;

-  Студенттерді университет қызметі туралы және өз заңнамаларымен (Ар-ұждан кодексі) бойынша ақпараттандыру;

-                  Студенттердің белсенділігін арттыру арқылы университет имиджін нығайта түсу.