Аккредиттеу және рейтингтер

Shakarim University БҰҰ-ның Тұрақты даму мақсаттарына (SDGs) қосқан үлесін бағалайтын Times Higher Education (THE) Impact Rankings 2026 халықаралық рейтингіндегі өз позициясын тағы да растады. Жалпы рейтинг қорытындысы бойынша университет 801–1000 орындар диапазонында орналасты.

Университеттің Тұрақты даму мақсаттары (ТДМ) бойынша нәтижелері:

• ТДМ 2 «Аштықты жою» – 201–300 орын;
• ТДМ 8 «Лайықты еңбек және экономикалық өсу» – 301–400 орын;
• ТДМ 4 «Сапалы білім» – 401–600 орын;
• ТДМ 5 «Гендерлік теңдік» – 401–600 орын;
• ТДМ 7 «Қолжетімді және таза энергия» – 401–600 орын;
• ТДМ 12 «Жауапты тұтыну және өндіріс» – 401–600 орын;
• ТДМ 13 «Климаттың өзгеруіне қарсы күрес» – 401–600 орын;
• ТДМ 15 «Құрлық экожүйелерін сақтау» – 401–600 орын;
• ТДМ 1 «Кедейлікті жою» – 601–800 орын;
• ТДМ 10 «Теңсіздікті азайту» – 601–800 орын;
• ТДМ 9 «Индустрияландыру, инновациялар және инфрақұрылым» – 601–800 орын;
• ТДМ 11 «Тұрақты қалалар мен елді мекендер» – 601–800 орын;
• ТДМ 6 «Таза су және санитария» – 601+ орын;
• ТДМ 3 «Жақсы денсаулық және әл-ауқат» – 801–1000 орын;
• ТДМ 17 «Тұрақты даму мақсаттары жолындағы әріптестік» – 801–1000 орын;
• ТДМ 16 «Бейбітшілік, әділеттілік және тиімді институттар» – 801+ орын;

ТДМ 4 «Сапалы білім» көрсеткіші бойынша Shakarim University Қазақстан жоғары оқу орындары арасында 3-орынға ие болып, еліміздің осы бағыттағы көшбасшы университеттерінің қатарына енді. Сонымен қатар, THE Impact Rankings 2026 рейтингіне қатысқан қазақстандық жоғары оқу орындарының ішінде ТОП-10 қатарына кірді.

2025 жылғы 4 қарашада жоғары білім саласындағы халықаралық талдау агенттігі QS Quacquarelli Symonds Азияның 2026 жылға арналған үздік университеттерінің рейтингін — QS Asia University Rankings 2026 жариялады. Бұл рейтинг өзінің тарихындағы ең ауқымдысы болып саналады және 25 ел мен өңірден барлығы 1529 жоғары оқу орнын қамтиды. Олардың ішінде 554 университет алғаш рет тізімге енген. Шәкәрім университеті Азия рейтингінде 493-орынды иеленіп, осы рейтингке қатысу тарихындағы ең жоғары көрсеткішке қол жеткізген бес университеттің қатарына енді.

2025 жылы Шәкәрім университеті БҰҰ-ның Тұрақты даму мақсаттарына университеттердің үлесін бағалайтын беделді жаһандық THE Impact Rankings рейтингінде дебют жасады.