15 наурыз – Қайырымдылық күні: Жүректен жүрекке жеткен жылулық
«Наурызнама» онкүндігінің екінші күні – Қайырымдылық күні. Бұл – мейірімділік пен жанашырлықтың маңызын дәріптейтін мәні терең күн. Бұл күні адамдар бір-біріне қолдау көрсетіп, көмек қолын созып, жүректегі ізгілікті іс арқылы білдіреді.
Қайырымдылық – адамзатқа ортақ асыл қасиеттердің бірі. Осы орайда, Шәкәрім университетінің Өнер кафедрасы, Тілдік коммуникация, Экономика және қаржы кафедрасы, Студенттік парламенті бірлесе отырып, атаулы күнде ізгілікті іс-шара ұйымдастырды.
Университет ұжымы мен білім алушылары бауырмалдық қасиетпен жанашырлық танытып, көмекке мұқтаж жандарға қолдау көрсетуді мақсат етеді.
Қайырымдылық – жүректен шыққан жылулықтың ең асыл көрінісі. Баршаңызды осы игі іске атсалысуға, мейірімділік танытып, жақсылық жасауға шақырамыз!