«Өнер» кафедрасы оқушылар арасында олимпиада өткізді

Шәкәрім университетінің «Өнер» кафедрасы Абай облысының жалпы білім беретін мектептерінің 9–11 сынып оқушылары арасында сурет, кескіндеме және сызу пәндері бойынша облыстық олимпиада ұйымдастырды.

Аталған іс-шараның негізгі мақсаты:

– дарынды әрі шығармашыл оқушыларды анықтау және қолдау;

– оқушылардың көркемдік және графикалық дағдыларын дамыту;

– бейнелеу өнері мен сызу пәндеріне қызығушылықты арттыру;

– болашақ талапкерлерге кәсіби бағдар беру.

Олимпиада барысында қатысушыларға шығармашылық тапсырмаларды орындау үшін 4 сағат уақыт берілді. Қатысушылар тапсырмаларды өз деңгейлеріне сай жоғары жауапкершілікпен орындап, шығармашылық қабілеттерін көрсете білді.

Оқушылардың өнеріне: сурет пәні бойынша Р.Оразалиева, К.Абдуллина, А.Алмабек;

кескіндеме пәні бойынша Т. Татиев, Е.Татиев, А.Каримова; сызу пәні бойынша Р.Берікбол, М.Татиева, К.Ақпаров қазылық етіп, әділ бағасын берді.

Олимпиада қорытындысы бойынша үздік деп танылған оқушылар мен олардың жетекшілері дипломдармен және алғыс хаттармен марапатталды.