Жазғы лагерьдегі «Ертегілер әлеміне саяхат»
Екі апта бойы университет жанындағы «Толағай» лагерінде демалған бүлдіршіндеріміз ертегілер әлеміне саяхат жасап, қызықты ойындарға қатысып, жаңа достар тауып, ұмытылмас әсерге бөленді. Лагерьдің жабылу салтанаты көтеріңкі көңіл-күймен өтіп, ән мен биге, театрландырылған қойылымдарға, әсерлі естеліктер мен жарқын эмоцияларға толы болды.
Балалардың шат күлкісі, ата-аналардың жылы лебізі мен ұйымдастырушылардың еңбегі бұл маусымды ерекше ете түсті. Белсенді қатысушылар марапатталып, барлық бүлдіршіндерге алғыс пен ізгі тілектер айтылды.
Жазғы лагерь аяқталғанымен, осында басталған достық пен жарқын естеліктер жүректерде мәңгі сақталады. Барша қатысушыларға, ата-аналарға және ұйымдастырушыларға алғыс білдіреміз!
Көңілді жаз, жарқын демалыс және жаңа жетістіктер тілейміз!
