«Тарих және археология» ҒО

«Тарих және археология» ғылыми орталығы – Семей қаласының Шәкәрім атындағы университетінің құрылымдық бөлімшесі, сонымен қатар, Абай облысы территориясындағы тарих, археология және этнография мәселелері бойынша басты сараптамалық, ғылыми-зерттеу орталығы.

Негізгі қызмет бағыттары:

Ғылыми зерттеулер.

• Отандық тарихтың құрамдас бөлігі саналатын өлке тарихының өзекті мәселелерін зерделеу;

• Археологиялық және этнографиялық экспедицияларды ғылыми тұрғыда үйлестіру;

• Орталықтың ғылыми деректік және тарихнамалық базасын жасақтау;

• Ғылым және жоғары білім министрлігі тарапынан жарияланған гранттық жобалар конкурсына қатысу;

  Оқу үдерісі.

• Орталықты «Тарих» мамандығы студенттері мен магистранттарына және докторанттарына ғылыми-тәжірибелік алаңы ретінде қалыптастыру;

• Мектеп оқушыларымен және университет студенттерімен тарихи-танымдық шаралар өткізу;

Ынтымақтастық.

• Республика аумағындағы және іргелес көршілес елдердің іргелес өңірлердегі ғылыми орталықтармен байланыс орнату;

• Отандық ғылыми-зерттеу ұйымдарымен, әсіресе, Ә.Х. Марғұлан атындағы Археология институты, Ш. Уәлиханов атындағы Тарих және археология институты, Семей қаласының облыстық тарихи-өлкетану музейімен бірлесіп өңірлік және республикалық ғылыми жобаларға қатысу.

Біздің миссия.

Абай өңірінің тарихы мен археологиясын, этнографиялық мұраларын зерттеу, Семей қаласының тарихи келбетінің айшықты көрінісі - Алаш қозғалысы мен Алаш қайраткерлерінің қызметін зерделеу, сондай-ақ, облыс аумағындағы гуманитарлық зерттеу жұмыстарын жүзеге асыру.