Шәкәрім университетінде Республикалық ғылыми конференция өтеді

Шәкәрім университетінде Қазақстан Республикасы Ғылым және жоғары білім министрлігі Ғылым комитетінің қолдауымен Шәкәрім университеті және Ә.Х. Марғұлан атындағы Археология институтының ұйымдастыруымен «Абай облысының тарихи-археологиялық мұрасы: алғашқы зерттеу нәтижелері» тақырыбында республикалық ғылыми-тәжірибелік конференция өтеді.

Конференция жұмысына еліміздің жетекші археологтары мен тарихшылары, ғылыми орталықтар мен жоғары оқу орындарының өкілдері қатысады.

Іс-шара барысында:

-соңғы жылдардағы далалық және талдамалық зерттеулер нәтижелері таныстырылады;

-археологиялық мұраны зерттеу және сақтау тәсілдері талқыланады;

-өңірдің көне және ортағасырлық кешендерін зерттеудің болашақ бағыттары айқындалады;

-ғылыми басылымдар мен тарихи-танымдық кітаптардың тұсаукесері өтеді.

Ұлттық тарихтың терең тамыры мен тағылымды мұрасы талқыланатын ғылыми алаңда жүздескенше, қадірлі қауым!

Өтетін күні: 27 ақпан 2026 жыл

Уақыты: 10:00

Мекен-жайы: Семей қаласы, Глинка көшесі, 20 «А»